អាហ្សង់ទីន៖ ធនាគារកណ្តាលអាហ្សង់ទីនគ្រោងដាក់មុខ Lionel Messi នៅលើក្រដាសប្រាក់ ១ពាន់ប៉េសូ (ជិត៥១ដុល្លារ) ដើម្បីអបអរការឈ្នះពាន World Cup ឆ្នាំ២០២២។

យោងតាមសារព័ត៌មានអាហ្សង់ទីន El Financiero បានឱ្យដឹងថា ខ្សែប្រយុទ្ធដ៏ឆ្នើម Lionel Messi បាននាំអាហ្សង់ទីនឱ្យឈ្នះការប្រកួត World Cup ជាថ្មីម្តងទៀតរបស់ពួកគេចាប់តាំងពីឆ្នាំ១៩៨៦ នៅប្រទេសម៉ិកស៊ិក។

គួររំលឹកដែលថា Messi បានដឹកនាំអាហ្សង់ទីនយកឈ្នះបារាំង និងបានឈ្នះពានរង្វាន់ FIFA World Cup ឆ្នាំ២០២២ ក្នុងវគ្គស៊ុតបាល់ប៉េណាល់ទីចម្ងាយ ១១ម៉ែត្រក្នុងលទ្ធផល ៤-២ ក្នុងព្រឹត្តិការណ៍បាល់ទាត់ពិភពលោកវគ្គផ្តាច់ព្រ័ត្រដែលធ្វើឡើងនៅប្រទេសកាតា នាយប់ម៉ោង១០ ថ្ងៃទី១៨ ខែធ្នូ ឆ្នាំ២០២២ ម៉ោងនៅប្រទេសកម្ពុជា។

ការទទួលបានជើងឯក FiFa World Cup ឆ្នាំនេះ គឺជាលើកទី៣ ហើយដែលក្រុមអាហ្សង់ទីន បានទទួលពានរង្វាន់ World Cup ដោយលើកទី១ នៅឆ្នាំ១៩៧៨ និងលើកទី២ នៅឆ្នាំ១៩៨៦៕